Државата треба да му исплати отштета од 5.350 евра на поранешениот претседател на Уставниот суд, Трендафил Ивановски, првиот лустриран и прогласен за соработник на тајните служби, пресуди Европскиот суд за човекови права во Стразбур, објавија дел од националните медиуми.
Ивановски до Европскиот суд за човекови права се жалел дека лустрациските постапки не биле фер и дека му биле нарушени неговиот углед и достоинство. Toj се жалел дека во постапките немало еднаквост на оружјата, немал доволно време да ги подготви аргументите, како и дека не му бил овозможен пристап до досиејата.
Во однос на наводите на Ивановски, Европскиот суд за човекови права смета дека постоела повреда на членот 6 и членот 8 од Европската конвенција за човекови права, пресудувајќи дека лустрациските постапки не биле фер и дека му било нарушен угледот и достоинството на Ивановски.
OhridNews
