Под покровителство на Општина Охрид и градоначалникот Александар Петрески , Општинското угостителско туристичко училиште „Ванчо Питошески “ за прв пат организира државно првенство на угостителско- туристичките училишта од Република Македонија.На гастро- натпреварите учествуваа угостителските училишта од Охрид, Гевгелија, Скопје, Македонски Брод, Штип, Крушево и Тетово.
Натпреварот се одвиваше во подготовка на посна трпеза за готвачите, келнерите поставуваа маса за шест лица ,бармените подготвуваа коктели,фламберите фламбираа овошје, а туристичките техничари правеа презентација на нивните градови.
-Учениците на натпреварот ги презентираа своите вештини и умеења од областа на угостителството и туризмот и покажаа дека се подготвени да бидат дел од персоналот и на најелитните хотели и ресторани- рече директорот на ОУТУ „Ванчо Питошески“ Секула Баткоски.Тој изрази благодарност за поддршката од Општина Охрид и изрази надеж дека натпреварот ќе прерасне во важна туристичка манифестација.
OhridNews
