Против најмалку две правни лица и сопственици на угостителски објекти на плажите во Градиште ќе бидат поднесени кривични пријави поради воочени неправилности и непочитување на здравтевните протоколи, најави Пазарниот инспекторат.
За време на контролите извршени викендот, инспекторите затекнале и преголем број луѓе на мал простор кои не држеле дистанца помеѓу себе и не се почитувале превентивните мерки за заштита си спречување на ширење на вирусот Ковид 19.
Поради непочитување на здравствените протоколи прекршочни пријави се најавени за 12 угостителски објекти во Охрид и 5 во Струга.
Во текот на продолжениот празничен викенд на Охридско – струшкото крајбрежје беше спроведена координирана акција на Пазарниот, Трудовиот и Градежниот инспекторат и полицијата.
OhridNews
