На 3-ти октомври, среда, Општинската организација на Сојузот на борци од НОАВМ 1941-1945 и на граѓаните продолжувачи во општините Охрид и Дебрца, локалната самоуправа на општина Дебрца и ОУ “Дебрца”, ќе организираат прослава во село Црвена Вода по повод јубилејот-75 година од издавањето на Манифестот на ГШ на НОВ и ПОМ и други значајни настани од НОВ и Револуцијата во 1943. Воедно ќе биде одбележан и патрониот празник на општина Дебрца.
Програмата предвидува полагање свежо цвеќе на спомениците на паднатите борци од НОБ и жртвите на фашистичкиот терор во село Црвена вода во 11 часот, по што ќе следат обраќања на Градоначалникот на општина Дебрца, Зоран Ногачески, претседателот на СБ Охрид и Дебрца, Гоце Георгиески кој ќе се осврне на значењето на овој ден. Присутните ќе го посетат и спомен домот, а ќе го проследат и настапот на хорот и рециталот на учениците од основното училиште „Дебрца”.
OhridNews
