Еден македонски државјанин го загуби животот, а четириесетина се повредени во судар помеѓу туристички автобус во кој се превезувале македонски државјани и камион. Несреќата, како што соопшти Министерството за надворешни работи се случила доцна синоќа во Турција, на десет километри од местото  Малкара.

Несреќата се случила кога автобус со скопски регистерски таблици управуван од педесетгодишен возач се судрил со камион натоварен со јаглен со турски регистерски таблици. Камионот го влечел автобусот стотина метри, пишуваат турските медиуми кои објавија и имиња на загинатиот и возачот на автобусот, пренесува „Макфакс“. Дел од медиумите во земјава пренесуваат дека жртвата е 44 годишен жител на Струмица.

Од МНР информираат дека Генералниот конзулат во Истанбул и Амбасадата на Република Македонија во Анкара се во постојан контакт со сите надлежни инстутуции во Турција. Сите информации поврзани со состојбата на повредените патници ќе може да се добијат на следните дежурни телефони:

Генерален конзулат на Република Македонија во Истанбул

Мобилен телефон: +90 535 108 5622,

Телефон: + 90 212 249 99 77; + 90 212 251 22 33

Е-пошта: [email protected]

Адреса: Inönü Cad., Üçler Apt. No: 12 D 4, Gümüşsuyu, Taksim, İstanbul

Амбасада на Република Македонија во Анкара 

Мобилни телефони: +905383130343; +905385466691

Телефон: + 903 12 439 92 08 F: + 903 12 439 92 06

Е-пошта: [email protected]

Адреса: Karaca sokak 24/5-6 Gaziosmanpasha Ankara

Министерство за надворешни работи на Република Македонија

Мобилни телефони: +38975 237 021

Тел: +389 2 3115 266, лок. 168 Факс: +389 2 3115 790

Е-пошта: [email protected], infocentar24/[email protected].

OhridNews