Европската фудбалска унија (УЕФА), со по еден натпревар неиграње ги казни репрезентативците на Грција и Полска, Сократес Папастатопулос односно Војчех Шчешни, поради црвените картони кои ги добија во меѓусебниот дуел на нивните репрезентации.
Фудбалерите „поцрвенеа“ на отворањето на Европското првенство, на 8. јуни, натпреварот заврши без победник 1:1.
Грчкиот фудбалер играта мораше да ја напушти поради два жолти картони, додека голманот на полската репрезентација заработи директен црвен картон.
Во второто коло во А групата кое ќе се одигра во вторник, Полска ќе игра против Чешка, додека Грција за противник ќе ја има Русија.
