Вчеравечер, во 23.40 часот, во Охридско Езеро наспроти реката „Сатеска„ на одалеченост од околу 10 метри од брегот на езерото, од страна на полициски службеник затекнато било едно лице од Струга како врши незаконит риболов со подводна пушка. Истото било приведено во Полициска станица и со потврда, одземени му се: подводна пушка „Кресси-суб“ со шипка за ловење риба, една вилушка за ловење риба, еден пар пераи „Марес“, една маска за нуркање со дишалка „Кресси – суб“, едно нуркачко одело, една торбица и две парчиња риба – крап со вкупна тежина од 1,1кг. Против лицето ќе биде поднесена соодветна пријава.
Министерството за внатрешни работи информира и дека Струшката полициска станица има поднесено кривична пријава против едно лица од Струга, за сторено кривично дело „насилство“. Имено, на 1- ви септември годинава, околу 4 часот и 10 минути во Струга, во кафе-бар „Милано“, пријавениот со две палки, без повод и причина почнал да го крши инвентарот, со што предизвикал страв и вознемиреност кај присутните. Откако, дошол сопственикот, пријавениот физички го нападнал истиот, кој пак во самоодбрана му нанел повреда во пределот на главата. Истражен судија на напаѓачот му одреди мерка притвор во траење од 20 дена.
OhridNews
