Едно лице е убиено, а други две лица се здобиле со прострелни рани по престрелка по расправија којашто во петокот ноќта во Тетово, соопшти СВР Тетово, пренесува „Макфакс“.
Инцидентот се случил околу 23,30 часот синоќа во Тетово на улицата „188“ по претходна расправија меѓу тетовците 33-годишниот А.Б. и 30-годишниот Б.М. од една страна, и од друга страна 37-годишниот Х.М., М. Х. на 34 и Х.К. на 39 години, од друга страна, кога осомничениот со иницијали Б.М. во еден момент од огнено оружје почнал да пука кон другите тројца при што Х.М. починал на самото место, а Х.К. и М.Х. се здобиле со прострелни рани во пределот на нозете. Тие се пренесени во Клиничкиот центар во Скопје.
Увид на местото на настанот извршиле Јавен обвинител и увидна екипа од СВР Тетово. По наредба на обвинителството телото на починатиот е предадено за обдукција.
Тетовската полиција соопшти дека во моментов се работи на пронаоѓање на сторителите и целосно расчистување и документирање на случајот, по што ќе биде поднесена соодветна пријава.
OhridNews
