Едукативно предавање за негативните последици од употреба на пиротехнички средства се одржа денеска во охридската гимназија. Инспектори од СВР Охрид на средношколците им презентираа филмуван материјал за опасностите од неправилно ракување со пиротехнички средства и им делеа совети за правилно користење на дозволените пиротехнички средства.
На предавањето на кое учествуваа по пет ученици од сите класови, станало збор и за последиците од употреба на алкохол и други.
Во соработка со СВР Охрид, во охридските училишта повремено ќе се одржуваат типизирани предавања на различни теми кои имаат за цел превентивно да дејствуваат на свеста на учениците во насока на спречување на несакани појави.
OhridNews
