Египќаните во Македонија ќе формираат своја Влада за решавање на проблемите

Партијата Сојуз на Египкани со седиште во Охрид,најави дека ке формира „Египќанска Влада“ во Република Македонија, која ке биде подготвена да соработува со официјалната Влада на Република Македонија се со цел да се надминат проблемите со кои се соочуваат Египѓаните во земјата.

„Египќанската Влада“, според најавите, ќе има премиер и шест ресори, од кои три ќе се однесуваат на социо-економските прашања и проблематики, а посебно внимание ќе се обрати на секторот инвестиции, бидејќи, како што се наведува во соопштението, има многу Египќани од Македонија кои живеат во дијаспората, а сакаат да отворат свои бизниси во татковината.

„Египќанската влада“ ќе има млади министри, исклучиво со високо образование, стои во соопштението.