ЕХФ Европски Куп: Охрид со +9 ќе патува на реваншот од 1/8 финалето во Прага

ГРК Охрид ја совлада екипата на Дукла Прага 30:21, полувреме 16:9, во првиот натпревар од 1/8 финалето од ЕХФ Европскиот Куп, што се одигра вечерва во салата “Билјанини извори”.

Охрид диктираше ритам во текот на целиот натпревар и постојано го зголемуваше водството. Во финишот домаќинот имаше и двоцифрена предност (30:17), но со серија голови чешкиот противник намали на -9.

Хрватскиот интернационалец на голот на Охрид, Кристијан Пилиповиќ, со 14 одбрани и 1 постигнат гол беше најдобриот поединец во редовите на домаќинот.

Мислам дека игравме и така и така. Во еден период одигравме навистина добро, но имавме и падови во играта. Публиката во тие моменти не поддржа и на крај славевме со +9. Тоа е добар резултат, но ќе биде тешко во реваншот, Прага игра модерен и брз ракомет и мора да сме сериозни во реваншот затоа што може се да се случи, изјави за Охридњуз голманот Пилиповиќ.

Најефикасен во редовите на Охрид беше Ѓукиќ со 8 голови, Иванковиќ постигна еден помалку.

Статистиката ГРК Охрид: Пилиповиќ 1 (14 одбрани), Блажески (1 одбрана), Борозан, Ѓукиќ 8, Иванковиќ 7, Ојлески 4, Стрмљан 2, Тасески 2, Петриќ 2, Прибетиќ 2, Јагуриноски 1, Лиапис 1.