Европската комисија (ЕК) очекува партиите во Македонија да ги направат преостанатите чекори во поглед на имплементацијата на договорот од Пржино, изјавила портпаролката на ЕК, Маја Коцијанчич, откако во четвртокот вечерта беше постигнат договор меѓу партиските лидери околу клучните прашања кои досега го кочеа процесот.
„Ние разбравме дека партиите се блиску до договор. Ги охрабруваме сите партии да ги направат потребните преостанати чекори во поглед на имплементирање на обврските од договорот од јуни/јули. Ова е исто важно во котекст на претстојниот Извештај за напредокот“, изјавила Коцијанчич.
Извештајот за европскиот напредок на Македонија и останатите земји од западен Балкан ќе биде објавен во вторник, а препораката за почеток на преговори со ЕУ, која за земјава во последните шест години беше позитивна, овојпат зависи од целосната имлементација на договорот од Пржино.
OhridNews
Извор:„Макфакс“
