На Регионалниот натпревар по прва помош, кој се одржа во Скопје, екипата на Црвен крст Охрид во конкуренција на 14 екипи го освои третото место.
Екипата по прва помош во состав Марио Ѓорески, Никола Гашоски, Филип Танаскоски, Михаил Николоски, Дарија Талевска, Ања Алческа се ученици и претставници на ОСУ „Св.Климент Охридски“, велат од Црвен крст Охрид.
Екипата го понесе и третото место на пунктот за дисеминација каде ги прикажа своите знаења за Движењето на Црвениот крст и Црвената полумесечина. Следуваат подготовки за Државниот натпревар по прва помош кој ќе се одржи во септември 2025 година, посочуваат.
OhridNews
