Екипи на специјализирана фирма за уривање утрово пристигнаа во Трпејца, каде според најавите на надлежните институции треба да се уриваат спорните делови од сместувачкиот капацитет на фирмата „Ив-Ире“.
Ова доаѓа откако неодамна Министерството за транспорт и врски и ги одзеде ингеренциите на општина Охрид во врска со овој случај, на што негодуваа и локалната самоуправа и сопствениците на спорниот објект, кои започнаа жалбена постапка.
Од општината тврдат дека во случајот постапувале согласно законот, посочувајќи дека институциите не треба да делуваат селективно, затоа што во Трпејца евидентирани се десетици други дивоградби.
OhridNews
