Бројни експерти, научници и претставници од областа на јавната администрација, деновиве престојуваат во Охрид како дел од 20-тата Меѓународна конференција NISPAcee на тема “Public administration East and West: Twenty years of development”, што се одржува во хотел ,,Метропол”.
Годишните конференции на NISPAcee (Мрежа на институции и училишта за јавна администрација во Централна и Источна Европа) се фокусираат на значајни теми кои овозможуваат подобро разбирање на клучните прашања во врска со административниот развој и капацитетот за креирање политики во Централна и Источна Европа, како и во Централна Азија.
Конференцијата која е во организација на Универзитетот „Св. Климент Охридски” – Битола и Факултетот за администрација и менаџмент на информациски системи треба да заврши утре на 26 мај 2012 година.
OhridNews
