При тоа, рано наутро на Божик, коледарите со своите коледарски песни ги посетуваат сите елшански домови и семејства.
– За ваквите обичаи, повеќето елшанци поаѓаат од своите верувања дека:”Исус се родил на Божик, а не на Бадник , значи на 7 јануари и сосема оправдано е ншто нашите коледарчиња се радуваат и пеат радосни песни во првите часови од божикното утро.
Уште пред да се обдени традиционално во 5 часот наутро се удираат црковните камбани и се собираат околу коледарскиот оган и ја пеат коледарската песна. По половина час, над 60 момчиња и девојчиња, тргнуваат на Коледа, објаснуваат елшанци.
Вечерта пред Божик жителите одат на сред село кај Изворите, за да се стоплат крај огнот , да наздрават со топла ракија и да му се радуваат на раѓањето на Денот што доаѓа. Утрото пак,со шише црвено вино и со бела погача на Божикна Богослужба во црквата Свети Илија. Преку денот , традиционално се собираат на заеднички семеен ручек на божикна трпеза со најблиските, при што се разменуваат поздравувањата и вечните пораки:Христос се роди –Навистина се роди.Се посакуваат желби за лична и семејна среќа,љубов,радост,успех и многу здравје и бериќет.
фото: Дим Дон