– На овој начин се обезбедува работа за ЕМО Охрид за следните 17 месеци што воедно значи и враќање на ЕМО во секторот за пренос на електрична енергија, како значаен субјект кој претставува синоним за долгогодишно искуство и квалитет во работењето, велат од охридската компанија.
Пред две недели, по втор пат, беа одложени рочиштата на кои требаше да се расправа за отпочнување на претстечајна постапка за 46-те ДООЕЛ- и на ЕМО- Охрид. Како причина за одлагањето беше наведена забраната за прогласување стечај на државни компании за време на избори.