Играчот за врска на англиската репрезентација Стивен Џерард ја исклучи
можноста за прекин на репрезентативната кариера по Европското првенство
во Полска и Украина.

„Можам да разберам дека со оглед на моите години луѓето почнуваат да се
прашуваат дали ќе престанам да играм за репрезентацијата и ќе се
концентрирам само на Ливерпул, но јас не ги гледам работите така“,
изјави за Дејли Мирор 31 годишниот Џерард.

Тој додаде дека обожава да игра за англиската репрезентација, исто онака како и за Ливерпул.

„Ако по Еврото селекторот рече дека сум играл добро и дека сака да ме
задржи, дека може да ме заштити и да имам улога во играта во иднина, јас
ќе продолжам со Англија“, заклучи Џерард.