Обезбедувањето во австрискиот град Салцбург крајно сериозно си ја сфати својата задача за време на ЕП 2008, а тоа најдобро на своја кожа го почувствува градоначалникот на овој град Хајнц Шаден. Додека со велосипед одел кон својата канцеларија, градскиот татко на Салцбург ја поминал навивачката зона, поради што морал да помине низ детален преглед како и сите други навивачи. Шаден без никакви проблеми дозволи да го претресат, по што си продолжи по својот пат.
Австриската пиварница „Отакрингер“, која е сместена во престолнината Виена, на уникатен начин реши да ги награди фудбалерите што ќе постигнат гол за Австрија на ЕП, кое се одржува во оваа земја, како и во Швајцарија. Стрелците на головите за Австријците од „Отакрингер“ ќе добијат бесплатна достава на пиво до крајот на нивните животи.
– Се надевам дека ова ќе биде одличен мотив за нашите фудбалери за да изборат поволен резултат на претстојните натпревари со Полска и со Германија – изјави Сиги Менц, газдата на „Отакрингер“.
Австрија во 1. коло несреќно загуби со 0-1 во дуелот со Хрватска.
Најдобриот шпански тенеисер и четворократен победник на Роланд Гарос, Рафаел Надал, убеден е дека Шпанија ќе стане европски првак.
– Екипата изгледа одлично. Тие имаат голема шанса да го освојат еврото, дуи би рекол дека се поголеми фаворити од мене на Вимболдон -изјавил за BBC Надал.
