Селекторот на фудбалската репрезентација на Германија, Јоаким Лев, го објави поширокиот список на играчи кои ќе конкурираат за место во селекцијата која ќе се натпреварува на Европското првенство во Полска и Украина.


Во првата фаза на подготовките Лев смета на 27 фудбалери, а  конечниот список од 23-ца фудбалери кои ќе патуваат на Еуро 2012 ќе го соопшти на 29. мај.

На списокот на Лев се наоѓаат:
Голмани: Ноер (Баерн Минхен), Визе (Вердер), Тер-Штеген (Борусија Менхенгладбах) и Цилер (Хановер)

Одбрана: Боатенг, Бадштубер, Лам (Баерн Минхен), Мертезакер (Арсенал), Хумелс, Шмелцер (Борусија Дортмунд), Хеведес (Шалке).

Среден ред : Езил, Кедира (Реал Мадрид), Крос, Милер, Швајнштајгер (Баерн Минхен), Ројс (Борусија Менхенгалдбах), Геце, Гиндоган, Свен Бендер (Борусија Дортмунд), Ширле, Ларс Бендер (Баер Леверкузен), Дракслер (Шалке).

Напад: Подолски (Келн), Гомез (Баерн Минхен), Клосе (Лацио), Какау (Штутгарт).

Германија на Европското првенство се наоѓа во Б групата, која многумина ја нарекоа „група на смртта“, заедно со селекциите на Холандија, Португалија и Данска.