Македонската ракометна репрезентација 12-то Европско ракометно првенство на стариот континент го заврши на десеттата позиција. Со завршувањето на десеттото место „црвено жолтите“ не успеаја да го повторат или подобрат историскиот пласман на петтата позиција освоена пред две години во Србија.
Без повредените Кирил Лазаров и Дејан Пецаковски и исклучениот од селекцијата Бранислав Ангеловски, Македонија немаше сили за подвиг против Светскиот првак, Шпанија и претрпе пораз 33-22 (15-12).
Главната фаза „фалангата“ ја заврши со три порази во исто толку натпревари и благодарение на победата против Австрија во првите натпревари по групи се пласираше на десеттата позиција.
Едно место пред македонската селекција се наоѓа Русија која ја совлада Белорусија 39-33. На 11-та позиција се пласираше Белорусија, а 12-та селекцијата на Австрија.
Мх.П.
