Столбот во одбраната, Велко Маркоски повреден ќе настапи за Македонија на дуелот со Исланд во втората рунда од главната фаза на Европското првенство во Данска.
Стружанецот на мечот со Унгарија го повреди грбот и не влезе во игра во вториот дел, а Македонија претрпе пораз 31-25. Маркоски ќе стисне заби и заедно со Ацо Јоновски ќе го сочинуваат бедемот пред голот на Ристовски.
– Не се играат секој ден натпревари на Европско првенство затоа ќе стиснам заби и ќе бидам во составот за дуелот со Исланд – потенцираше Маркоски, кој е незаменлив дел во одбраната.
Натпреварот меѓу Македонија и Исланд се игра во 16:00 часот и е прв од втората рунда во првата група.
Мх.П.
