Покрај поразот од Унгарија 31-25 македонската ракометна репрезентација може да ги загуби и Велко Маркоски и Гоце Ојлески.
Стружаните во селекцијата се здобија со повреди кои воопшто не се наивни. Столбот во одбраната Маркоски поради болки во грбот не влезе во вториот дел додека Ојлески само што истрча на паркетот ја напушти играта откако го свитка скочниот зглоб.
– Дополнителните снимки ќе покажат какви се повредите на Маркоски и Ојлески. Во моментов не можам да прецизирам колку ќе паузираат и дали ќе треба да отсуствуваат од терените – рече селекторот Ивица Обрван.
Вториот дуел од главната фаза на ЕП македонската селецкија го игра в понеделник со Исланд во 16:00 часот.
Мх.П.
