Комплетирана е втората рунда од групната фаза на Европското првенство во Полска и Украина. На осум натпревари кои се одиграа во второто коло мрежите се тресеа 26 пати или во просек по 3.25 голови по натпревар.

14 репрезентации останаа во игра за 1/4 финалето додека Република Ирска и Шведска немаат повеќе ни теоретски шани за пласман во наредната фаза.

Португалија против Данска и дуелот помеѓу Англија и Шведска беа најефикасни натпревари во втората рунда. Англија односно Португалија славеа со идентиченрезултат 3-2. Најубедлива победа оствари Шпанија со Република Ирска 4-0.

Во втората рунда од ЕП ја красеше дисциплината на селекциите. Судиите со знакот на ФИФА во осум натпревари ниту еднаш не покажаа на белата точка и не доделија црвен картон.

Третата рунда од групната фаза започнува вечерва со натпреварите од Групата А. Мечевите се играат во исти термин 20:45 минути.

Мх.П.