Иако вчера беше првиот ден од летото, студената воздушна маса, која ја зафати Македонија, предизвика пад на температурите за повеќе од 15 степени. Според прогнозите, температурите во Македонија во текот на денешниот ден ќе се движат од 15 до 22 степени, а во Охрид од 15-17 степени.
Од Управата за хидрометеоролошки работи информираат дека во текот на наредните денови, ќе има поинтензивен развој на нестабилна облачност со честа појава на пороен дожд и грмежи. Заради големата енергија во атмосферата, ќе има локална појава на пороен дожд со силни електрични празнења и ветер.
Од Дирекцијата за заштита и спасување апелираат до граѓаните, да не престојуваат на отворено, за време на невреме и грмежи, поради опасност од громови.
OhridNews
