Поранешниот фудбалер на Барселона, Самуел Ето со огнени стрели го нападна Пеп Гвардиола, кој четири сезони беше на клупата од каталонците. Почетокот на тренерската кариера на Гвардиола е одбележена со Ето бидејќи предводени од него во нападот каталонците ја покорија Шпанија, Европа, а подоцна и светот.
– Тој воопшто не ме сакаше иако јас бев клучот на успехот таа сезона. Само да потсетам дека постигнав погодокот во сите финалиња кои ги игравме сезоната, но и тоа не беше доволно за него – рече Ето и додаде – Во времето кога играв за Интер се сретнавме со Барселона, тој не ми направи муабет во соблекувалните, а само се поздрави на теренот затоа што имаше камери.
Соработката меѓу Ето и Гвардиола траеше две години откако Камерунецот по доаѓањето на Давид Вилја беше принуден да го напушти Ноу Камп.
– На еден од тренинзите пред голем натпревар, тој ми пријде и сугерираше како да играм во нападот. Јас вчудоневидено му реков, па ти не беше толку добар играч да ми делиш мене совети во нападот – заврши Ето.
Мх.П.
