Кандидатите за претседател на државата непосредно по гласањето дадоа изјави за медиумите.
Кандидатот за претседател од ВМРО-ДПМНЕ, Ѓорге Иванов изрази очекување дека Република Македонија ќе има успешни избори со што ќе покаже дека функционира демократски со целиот капацитет.
„Денеска со сопругата Маја и со синот Иван го остваривме нашето право на глас, очекувам дека истото ќе го направат и сите граѓани на Република Македонија и зад нас ќе оставиме уште едни успешни избори и да покажеме дека Македонија функционира демократски со целиот свој кредибилитет и капацитет“, рече Иванов, кој гласаше околу 12:00 часот во средното училиште „Јосип Броз Тито“.
„После изборите очекувам да продолжиме во остварувањето на нашите стратешки цели и да работиме на просперитетот на Република Македонија за сите нејзини граѓани“, додаде Иванов кој се бори за вториот последователна мандат како шеф на државата
Искрено се надевам дека Република Македонија е конечно подготвена да направи изборен циклус каков што и доликува на секоја европска демократија, изјави кандидатот за претседател на СДСМ, Стево Пендаровски, по остварувањето на неговото избирачко право во неделата во Изборната единица 2 во месната заедница Автокоманда во Скопје.
„Јас се надевам дека денешниот ден ќе почне и ќе заврши во демократски дух, дека сите процедури ќе бидат испочитувани и искрено се надевам дека на крајот на денот нема да сведочиме на постапки кои ги видовме претходниот ден, кога посебните категории луѓе и особено гласањето во дијаспората не се одвиваа во согласност со законските одредби“, рече Пендаровски.
„Очекувам фер и коректни избори, да се изрази слободната волја на граѓаните и се надевам дека нема да има никакви притисоци врз нивниот личен избор.“
Ова го изјави кандидатот за претседател од ГРОМ, Зоран Поповски, којшто своето право на глас го оствари околу 10.30 минути во основното училиште „Братство“ во Тафталиџе.
„Нека победи најдобриот, тој што ќе освои најмногу гласови, тој што ќе добие поддршка од граѓаните нека победи. Се надевам дека до крајот на денот ќе нема никакви недоразбирања и проблеми“, изјави Поповски.
Тој истакна дека денешниот ден за неговото семејство е убав ден, бидејќи неговиот син за првпат има право на глас.
„Гледам дека атмосферата е мирна, гласачите излегуваат и гласаат слободно, на демократски начин. Верувам дека нема да има инциденти до крајот на изборниот процес и оти тој ќе заврши со добар резултат“ – изјави Халими по гласањето на избирачкото место во ОУ Кирил и Методиј во Тетово.
Халими посочи, како што рекол и во изборната кампања, дека има шанси за пласман во вториот круг, дека гласачите се тука и треба да излезат да гласаат, а дали некој ќе излезе или не,м зависи од асмиот гласач
OhridNews
извор:Макфакс/Миа
