Во реванш натпреварот од Лигата на Шампиони на Манчестер Јунајтед му е потребна победа од три голови разлика за да го елиминира Олимпијакос откако во првиот дуел англичаните загубија со 2-0.
– Гордо ќе го облечиме дресот и ќе се бориме за него. Мораме да одиграме храбро за да не ги разочараме повторно нашите навивачи тие не го заслужуваат тоа. На Олд Трафорд сме биле сведоци на многу значајни победи по кои сме губеле и со два голови разлика – рече францускиот интернационалец Патрис Евра.
Ако на Олд Трафорд избраниците на менаџерот Дејвид Мојс не успеат да го елиминираат Олимпијакос за нив ќе биде најнеуспешна сезона во последните 20 години.
Мх.П.
