Во рамки на посетата на земјава, што ја остварува на покана на Либералдемократската партија на Македонија, претседателот на Либералната Интернационала и член на Европскиот парламент, Ханс Ван Бален денеска престојува во Охрид. Тој во улога на гостин ќе присуствува на конгресот на либералдемократската младина на кој ќе има обраќање заедно со лидерот на ЛДП Андреј Жерновски.
Во рамки на посетата на Македонија, Ван Бален оствари средба со Претседателот на Република Македонија, Ѓорѓе Иванов, како и со Министерот за надворешни работи на Република Македонија, Никола Поповски.Посетата е одлична прилика да се потврди големата поддршка што семејството на либералните партии во светот и’ ја даваат на Република Македонија за нејзино полноправно членство во ЕУ и НАТО, особено во контекст на претстојниот самит на НАТО во Чикаго. Ван Бален е докажан пријател и лобист на нашата држава, неуморен активист во афирмирањето на заложбите за што поскоро реализирање на македонските евроатланските аспирации, велат од ЛДП.
