Специјалниот извештај на Европската комисија за земјава ќе биде објавен на 16-ти април, од чиј резултат ќе зависи дали Македонија на јунскиот Самит на Европскиот совет ќе добие датум за почеток на пристапните преговори со Унијата, пренесува „Радио слободна Европа“.
Во извештајот ќе бидат содржани заклучоците од последниот Самит на Советот за Македонија, преговорите за името со Грција, Пристапниот дијалог на високо ниво и Договорот за добрососедство со источниот сосед.
Една седмица претходно, на 8-ми април, Европскиот парламент ќе гласа за резолуцијата за Македонија.
OhridNews
