Бугарската полиција во Петрич, деновиве запленила над осум илјади кутии цигари од македонските брендови. Стоката, која била сокриена во гаража на бугарски државјанин, содржела цигари од земјава кои по нелегален пат се внеле на територијата на нашиот сосед, јавуваат бугарските медиуми.
На сопственикот на гаражата Б.Г, од страна на истражен судија му е одреден притвор од 24 часа, а против него е поднесена соодветна кривична пријава.
Инаку, ова не е прв ваков случај за акцизна стока, која по нелегален пат е внесена на територијата на нашите источни соседи. Бугарската полиција за организиран криминал и царинските служби, секојдневно запленуваат шверцувани цигари од нашата земја. Причината за тоа, како што јавуваат бугарските медиуми, е ниската на цена на цигари во земјава.
OhridNews
