Возачот на Ред бул, Макс Верстапен триумфираше на трката за Големата награда на Катар, претпоследна во сезоната и ги зголеми шансите за одбрана на титулата во Формула 1. Мекларен повторно тактички потфрли во клучни моменти. Втора трка по ред шампионот во конкуренција на конструктори катастрофално реагираше за време на трката со што му овозможи на главниот конкурент во борбата за титулата кај возачите и актуелен шампион, да стигне до важна победа со која ги зголеми шансите за одбрана на титулата.
Апсолутен губитник е Оскар Пијастри кој имаше фантастичен викенд, тиумфираше во спринт трката и освои пол позиција. Тој одлично стартуваше на трката и ја задржа водечката позиција, додека водечкиот во генералниот пласман Ландо Норис ја загуби втората позиција од Верстапен. Клучен момент на трката беше седмиот круг и влегувањето на безбедносното возило поради судар, по што сите болиди влегоа во бокс за замена на гуми, освен возачите на Мекларен. Ред бул и Верстапен ја искористија дадената шанса и холандскиот ас стигна до седмата победа во сезоната со која изби на втората позиција во генералниот пласман пред Пијастри кој заврши втор, а зад Ландо Норис кој во последниот круг стигна до 4-то место. Трет беше возачот на Вилијамс Карлос Сајнц.
Шампионот во Ф1 ќе се решава во последната трка во сезоната која ќе се вози во Абу Даби. Водечкиот во шампионатот, Ландо Норис (Мекларен) има 408 бода, следат Макс Верстапен (Ред бул) со 396 и Оскар Пијастри (Мекларен) со 492 бода.
Г.М.
Фото: Илустрација
