Иако се чекаше само официјализирање на трансферот на Горан Попов од ВБА во Болтон сепак тоа не се случи откако Англиската федерација го блокираше трансферот.
Во писменото известување од ФА стои дека вон трансфер период на позајмица можат да се отстапуваат фудбалери кои се под договор со клубот во кој игра. А Попов во Премиер лигата настапува како позајмен фудбалер од Динамо Киев затоа не може да се пресели „Рибок“ стадионот.
– Ги минав лекарските прегледи, имав интервју за ТВ станицата на Болтон, а го одбрав и дресот со бројот 3. Имав и тренинг со новиот клуб и денеска требаше да играм на дуелот со Барнли. Но по поднесените документи стигна допис од ФА до Болтон во кој стои дека немам право да играм. Причина за тоа е мојата отстапница од Динамо Киев во ВБА. Тоа е возможно само во преоден рок. Тоа правило не важи за отстапниците во Англија. Штета! Сега назад во Бирмингем до јуни – рече Попов за дневниот весник „Македонски Спорт“.
За краток период ова втор пропаднат трансфер на Попов откако во зимскиот преоден рок имаше неуспеше обид за преминување во Кристал Палас.
Мх.П.
