При тоа за секој изминат ден по дадениот рок за подмирување на износот, од страна на ЕВН се наплаќа законска казнена камата за задоцнето плаќање на фактури.
– На фактурата стои дека од страна на службите при ЕВН била изготвена на 31- ви јануари, а крајниот рок за плаќање пишува дека е на 15- ти февруари. Мене и на останатите соседи ни беа доставени на 18- ти февруари. И покрај тоа што веднаш отидов да ја платам штом ја добив фактурата, веќе изминале три дена од крајниот рок за што потоа ни се пресметува казнена камата. Каде е проблемот, дали доцнат со испораката оние кои ја праќаат од ЕВН или службите од Македонски пошти кои треба да ја достават не знаеме , велат граѓаните.
Потпаролот на ЕВН, Атанас Ковачески вели дека оправдани се реакциите на граѓаните и дека од нивна страна ќе бидат превземени мерки за утврдување на причините поради кои фактурите, до дел од потрошувачите во Охрид, се доставуваат со задоцнување.
