Колумбиецот Радaмел Фалкао е првиот фудбалер кој две години во низа го носи епитетот најдобар стрелец во Уефа / Лига европа купот.


Лани тој погоди 17 пати вклучувајќи го и финалето во кое тимот на Порто ја совлада Брага со 1-0. Сезонава со 12 постигнати гола повторно одигра клучна улога во освојувањето на трофејот овој пат со тимот на Атлетико Мадрид.

Зад Фалкао, на листата е холандскиот интернационалец во дресот на Шалке , Клас Јан Хунтелар со 10 постигнати гола и неговиот клупски колега од Мадрид Адријан Лопез кој постигна 8.

Со 29 постигнати гола во 29 одигрни меча во последните две сезони, Фалкао е втор на вечната листа во ова натпреварување со два гол заостанување зад Хенрик Ларсон кој 31 пат ги тресел противничките мрежи.

М.П.