Сокови, колачи, чоколади, гуми за џвакање, се дел од фалсификуваните производи што се среќаваат на домашниот пазар, пишува „Дневник“.
Како што се наведува во информацијата во весникот, од страна на Пазарниот инспекторат било потврдено дека, покрај облеката од познати трговски марки, се фалсификувала и храна и пијалоци.
Од Агенцијата за храна и ветеринарство изјавиле дека има ваква храна, но дека станува збор за мал број откриени примероци.
Храната најчесто е произведена во домашни мини-фабрики или е увезена. По формата и по амбалажата многу личи на оригиналот, а дека е фалсификувана потврдуваат производителите или увозниците на оригиналните примероци. Досега никој не направил анализа на овие производи, бидејќи кога истите ќе бидат откриени, се сметаат за небезбедни и се уништуваат согласно со законот, пишува Дневник.
OhridNews
