Пријавените, со употреба на клешти и со физичка сила, успевале да ги разбијат сигурносните брави од влезните врати и прозори, а потоа со кршење на стаклото , влегувале во куќите, становите и деловните објекти, одземајќи пари, колонијални производи, цигари и алкохолни пијалоци, облека и обувки, повеќе телевизори, огнено и сигнално оружје пиштол, моторна пила, златен и сребрен накит. На сличен начин, пријавените влегувале и во патнички моторни возила од каде одземале радио касетофони и ЦД плеери.
– По серијата кражби на двајцата пријавени, од страна на одделението за општ криминалитет , реализирани се повеќе оперативни активности и претрес во нивните домови. Кај прво пријавениот Б.Т. пронајдени се помала количина опојна дрога хероин, арматурни клешти и друг алат погоден за извршување кражби, како и еден дел од бесправно одземените предмети. Дополнително, во патничкото моторно возило „Опел Тигра“ кое го управувал Б.Т. пронајдени се хебли и друг алат соодветен за кршење катинари и влезни врати, облека и други предмети, информираат од СВР- Охрид.
По преземени криминалистичко-технички мерки, од страна на оперативците и извршено споредување на одземените предмети, констатирано е нивно совпаѓање со трагите кои се нанесени на влезните врати од обиените објекти.
Пријавениот е познат извршител на казнени дела и наркозависник против кого и досега биле поднесувани повеќе кривични и прекршочни пријави.
