Во несреќа што се случи за време на квалификациите на трката за големата награда на Унгарија на патеката Хунгароринг, тешко повреден е возачот на Ферари, бразилецот Фелипе Маса. Тој со хеликоптер е пренесен во болница, а сеуште не се соопштува каква е неговата здравствена состојба.До инцидентот најверојатно дошло кога отпаднал дел (најверојатно федер) од болидот на Рубенс Барикело кој возеше во квалификациите пред Маса и со голема брзина го удрил бразилскиот возач директно во главата. При тоа тој загубил свест и со полна брзина удри во гумената заштитна ограда.
Според првичните непотврдени информации Маса бил во свесна состојба при транспортот кон болницата во Будимпешта. Тој имал потрес на мозокот, а поради тешките повреди бил опериран и се наоѓа во стабилна состојба. Неизвесно е дали и кога ќе се врати на тркачките патеки.
Ohridnews
