Актуелниот првак во Премиер Лигата, Манчестер Јунајтед го врати во игра градскиот ривал во борбата за титулата откако ремизираше со Евертон на Олд Трафорд 4-4. “Граѓаните“ со две раце го прифатија киксот и триумфираа на гостувањето кај Вулверхемптон.
– Во ФА Купот им го подаривме пласманот, но сега ќе е многу поразлично. Јунајтед без притисок ќе влезе во мечот против нас, тие се навикнати на вакви натпревари, а ние нема што да изгубиме – потенцираше Манчини, менаџерот на Манчестер Сити.
Менаџерот на Манчестер Јунајтед, Сер Алекс Фергусон не го криеше разочарувањето по ремито на домашен терен против Евертон.
– Неможам да поверувам, да постигнеш четири гола и да не победиш. Постигнавме преубави голови но одбраната не беше на правото ниво. Сега гостуваме на Етихад, таму ќе треба да покажеме зошто сме шампиони, ни треба добар резултат и ќе се обидиме да го оствариме – истакна Фергусон.
Градското дерби во Манчестер, се игра в понеделник во 20:45 часот.
Мх.П.
