Сер Алекс Фергусон не успеа да стане првиот тренер што ја одбранил титулата во Лигата на шампиони. Шкотскиот стратег го признава поразот, а првиот гол го смета како непремостлива пречка на патот кон успехот.

– Мислам дека првиот гол беше убиствен, тие постигнаа гол од својот прв напад и тоа беше лош старт на натпреварот за нас. Стартувавме одлично, многу самоуверено, но после примениот гол бевме малку нервозни, тие можеа цела вечер да ја држат топката, ние едноставно ја немавме доволно. Имавме неколку добри полушанси во вториот дел, се надевавме дека ќе одиграме подобро, но загубивме од подобар тим. Не бевме на нашето најдобро ниво, после првиот примен гол, беше тешко- изјави Фергусон по натпреварот.

ohridnews