Актуелниот светски првак, Себастијан Фетел, ќе стартува од пол-позицијата на трката за Големата награда на Канада, седма во шампионатот во Ф1, која ќе се вози во Монтреал.
Најмладиот двоен светски шампион во историјата на Ф1, со својот Ред Бул, на патеката во Канада стигна до својата 32. пол-позиција во кариерата.
Друштво во првиот ред ќе му прави пилотот на Мекларен, Луис Хамилтон. Водечкиот во генералниот пласман Фернандо Алонсо и победникот на трката во Монако Марк Вебер го комплетираат вториот стартен ред.
Зад најдобрите четврица трката ќе ја стартуваат Нико Розберг (Мерцедес), Фелипе Маса (Ферари), Ромен Грожан (Лотус), Пол ди Реста (Форс Индија), Михаел Шумахер (Мерцедес) и Џенсон Батон (Мекларен)
