Големиот успех на македонската кошарка на ЕП во Литванија е голем ден и за нашиот спорт а воопшто и за македонската држава. Во цела Европа гордо одекнува името Македонија и победите што кошаркарските херои ги остваруваат против големите тимови како Литванија, Грција, Хрватска…
Сите ние во фудбалскиот спорт сме пресреќни и радосни по синоќешната историска победа против домаќинот на првенството, и по пласманот во полуфиналето Вам „македонски херои” Ви посакуваме да продолжите во истиот ритам до крајот на шампионатот.Големото срце што кошаркарите го оставаат на терен, борбеноста, желбата и пред се самоувереноста во дуелите со фаворитите се пример за сите спортисти- како треба да се игра за националниот тим и да се бранат боите на Македонија. Убедени сме дека Вашиот пример во иднина ќе го следат и фудбалерите, ракометарите, одбојкарите, тенисерите….
Покажавте и докажавте дека Македонија може, Македонија знае… Македонија постои. Докажавте и дека спортот е Амбасадор број еден на нашата мала држава и со желба во наредните денови кошаркарската репрезентација на Македонија да го продолжи патот на успесите, Ви го честитаме овој историски успех во името на бројната фудбалска фамилија и Ви посакуваме да се искачите на највисокиот трон на пиедесталот бидејќи со прикажаната игра, квалитетот, мудроста што ја поседувате заедно со стручниот штаб и комплетното раководство, тоа го заслужувате.
Ohridnews
