Српскиот капитен Ненад Крстиќ е суспендиран од три натпревари, и казнет парично со 45 илјади швајцарски франци. Со по два натпревари суспензија казнети се и Милош Теодосиќ, како и двајцата грчки репрезентативци, Фоцис и Скорцијанитис. Ова се казните кои по инцидентот на кошаркарскиот натпревар Грција Србија ги изрече ФИБА.
Кошаркарските федерации на Србија и Грција ќе треба да платат парични казни од по 20 илјади швајцарски франци.
Европскиот вицепрвак Србија, која на Светското првенство во Турција настапува во групата „А“ не ќе може да смета на Теодосиќ во првите два натпревари (сабота со Ангола и недела со Германија) додека Крстеќ ќе го порпушти и натпреварот во понеделник против Јордан.
Тие ќе можат да учествуваат на последните две средби во групата против Австралија и Аргентина на 1 и 2 септември.
Фоцис и Скорцијанитис, се надвор од дуелите со Кина и Порто Рико, кои се играат викендов, но ќе бидат во игра за натпреварите со Турција, Брегот на Слоновата коска и Русија, селекции кои ја сочинуваат групата „Ц.
Ohridnews
