ФИФА наредната недела ќе испробува 10 различни видео системи кои би им помагале на судиите на фудбалските натпревари да утврдуваат дали топката ја минала гол линијата.

Претседателот на ФИФА Сеп Блатер упорно се противеше на воведување технологија која ќе ги исправа грешките на судиите, како што има во тенисот. Но притиснат од се понагласените барања се сложи на проверка на системите и доколку некој од нив задоволи, може да се случат промени на правилата на фудбалската игра на годишниот состанок на 5 март. Се предвидува и користење на одбележувачки спреј при местење на живиот ѕид, дозволување на дресови со крагни и.т.н.

На светското првенство во Јужна Африка повеќе од очигледна беше грешката на судиите кои во четвртфиналето на мечот Германија – Англија при 2-1 не му признаа чист израмнувачки гол на Френк Лампард. Се чини дека овој случај ја прелеа чашата во прилог на поборниците за употреба на видео технологијата.

“извор Макфакс“
Ohridnews