Раководителот на Агенцијата за кастар на недвижности, подрачна единица Охрид вчера бил нападнат на работното место.
Според информациите со кои располага Секторот за внатрешни работи Охрид, инцидентот се случил околу 14 часот, кога странка најпрвин вербално го нападнала раководителот на охридскиот катастар, а потоа и физички оттурнувајќи го со рака, по што си заминала.
Случајот е пријавен во охридската полиција, која како што информираат оттаму, ги финализира активностите за расчистување на инцидентот и најавува поднесување соодветни пријави.
OhridNews
