Актуелниот светски и европски првак Шпанија лесно и убедливо со 4-0 ја совлада селекцијата на Ирска.
По бледото издание против Италија, “фуријата“ одигра натпревар каков и што се очекува од нив, доминатно, со нивната препознатлива пас игра која на моменти ги “успиваше“ ирците.
Уште на самиот старт, канонадата ја започна Фернандо Торес уште во четвртата минута. Иако имаа уште десетина можности за гол, мрежата на Гивен не се затресе. Но се` што не реализира во првиот наплатија во вториот дел.
Прво Силва, зголеми на 2-0, потоа Торес со вториот гол покачи на 3-0 , додека конечниот резултат го постави Фабрегс со неговиот втор гол на турнирот.
Најсветла точка на мечот беа ирските навивачи кои и покрај високиот пораз на својата репрезентација до последниот судиски свиреж не застанаа со пеење и бодрење на своите фудбалери.
М.П.
