Треатата вечер од Интернационалниот фестивал Охрид Фест – Охридски Трубадури помина со настап на фолк пеачите. Публиката имаше можност да ги проследи познатите музички имиња кои се претставија на сцената на Долни Сарај. Покрај познатите Елена Велевска, Нино Величковски, Биљана Д.Јанчевска , Петар Нечовски, публиката имаше можност да го проследи настапот и на  неколку нови музички имиња.

Вечерта  ја одбележа и настапот на Мики Секулоски кој заедно со групата Носталгија го освои првото место , а втората награда на стручното жири отиде во рацете на Мирко Вретоски.

Третата награда од струшно жири и припадна на песната “Земја скапоцена“ на Петар Нечоски.

Доделени беа и следните награди:
Најдобар сценски настап: Елева Велевска (“Бел лебед”)

Најдобар дебитант: Владимир Поповски (“Име и шепотам”)

Најдобра интерпретација: Ибуш Ибраимовски (“Охрид без нас”)

Награда за најдобар текст “Јован В. Павловски”: Мирјана Колоска за песната “Искушение” во изведба на Зоран Дамјанов

Најдобар аранжман: Зоран Џорлев и Љупчо Павловски (за песната “Убава да останеш” на Душко Георгиевски)

Награда “Аце Ангелевски”: Мишко Крстевски (“Сува солза на лице заспива”)

Награда “Долни Сарај”: Нино Величковски и Октет Куманово (“Песни како домино”)

Најтрубадурска песна: Билјана Дамјановска – Јанчевска (“Нема име како Билјана”)

Фестивалот продолжува со ПОП вечерта, а утре е завршната интернационална вечер.

Ohridnews