Истоимената фото изложба ќе им биде достапна на граѓаните во струшкиот кафе бар „Арт Кафе“, а ќе биде отворена утре, во 12 часот. Покрај изложбата, во живо ќе настапи и музичка група. Во текот на следните месеци, изложбата ќе се организира и во други градови низ Македонија.
Овој културен настан е последната активност од проектот „Единство во различноста“ кој е имплементиран од страна на Локалната Агенција за Развој во општина Струга, и е финансиски поддржан од програмата на Обединетите Нации „Зајакнување на дијалогот и соработката меѓу етничките заедници“.
Главна цел на проектот е да и’ помогне на заедницата да ги надмине предрасудите базирани на етничката припадност и религијата. Целни групи се: Комисијата за односи меѓу заедниците, бизнис секторот, студентите, локалните медиуми и граѓаните.
