Црвено-бели мартинки во најразлични форми подготвија вчера дечињата од детската градинка ,,Јасна Ристеска”, од Охрид, по повод празникот Летник. Фантазијата на најмладите потпомогната од воспитувачките, негователките, мајките, татковците и бабите резултираше со многу интересни креации, со кои децата се закитија, а најоргиналните изработки беа изложени на паноа.




-Традицијата, народните обичаи  се корените на еден народ. Правењето мартинки од бел и црвен конец и врзувањето околу вратот или на рацете и нивното носење се додека не се види ластовица или штрк, е еден од обичаите врзани за овој празник. Токму затоа на децата уште од најрана возраст  сакаме да им ги пренесеме традиционалните народни обичаи поврзани за верскиот празник Летник, велат воспитувачките од градинката.


Летник кој се празнува на 14 март, по новиот календар, односно на 1 март, по стариот календар, според народното верување е празник кој го означува почетокот на пролетта, враќањето на птиците преселници и периодот на цутење на на дрвјата.

OhridNews