Пред преполниот стадион “Ѓорги Кучуку“ во Поградец лидерот на табелата во албанската супер лига, Теута во дерби натпреварот од 12-та рунда ја совлада истоимената екипа за која настапува охриѓанецот Климент Настоски со 2-1.
Домаќините по првите 45 минути имаа водсвто од 1-0 со погодокoт на офанзивецот Хазири во 18-та минута. Гостите кои во целиот натпревар ги држеа “конците“ од играта, патот до мрежата го пронајдоа преку центарфорот Чота во 62-та минута кој со ефектен “еврогол“ го анулираше водството на домаќините.
Големите три бода за “белите“ ги донесе Османи од белата точка во 89-та минута, по спорниот пенал досуден од главниот арбитар со знакот на ФИФА, Вујтем. На судиската одлука фудбалерите на Поградец реагираа “бурно“ што резултираше со исклучување на штоперот Дражанин.
Со овој пораз шести во сезоната “црните“ се најдоа на осмата позиција од табелата со 16 бодови додека Теута го предводи “орото“ во супер лигата со 31 бод пет повеќе од второпласираната Тирана.
Михаил Постоловски
